«ԿԱՄՈՒՐՋ» ՈՒՎԿ ՓԲԸ-ն գործարկել է իր նոր կայքը՝ www.kamurj.am, որը, առաջին անգամ հայկական ֆինանսական շուկայում, հնարավորություն է տալիս հաճախորդներին ընտրել վարկատեսակները ոչ միայն ըստ ոլորտների և անվանական, այլ նաև՝ ըստ անհրաժեշտ գումարի չափի:
««ԿԱՄՈՒՐՋ» ՈՒՎԿ-ի նոր կայքը առանձնանում է ոչ միայն իր դիզայնով, այլ նաև մի առանձնահատկությամբ, որը, կարծում եմ, կօգնի մեր հաճախորդներին վարկատեսակի ավելի հեշտ և ճիշտ ընտրություն կատարել: Հաճախորդը, վարկեր բաժնից ընտրելով իրեն անհրաժեշտ վարկի ոլորտը /սպառողական, բիզնես, գյուղատնտեսական կամ հիփոթեքային/, ստանում է հնարավորություն ընտրել նաև այն գումարը, որն իրեն անհրաժեշտ է, այնուհետև, համապատասխան ֆիլտրերի օգնությամբ, իրականացվում է իրեն հարմար վարկատեսակների ընտրությունը:
Բացի այդ, նախատեսվում է գործարկել online տարբերակով նախնական վարկային հայտերի լրացման հնարավորությունը, որը, կարծում եմ, այժմ արդեն ժամանակի պահանջ է:
Վստահ եմ, Ընկերության նոր կայքը դրական կգնահատվի վարկառուների և գործընկերների կողմից», - նշեց «ԿԱՄՈՒՐՋ» ՈՒՎԿ ՓԲԸ տնօրեն Գագիկ Վարդանյանը:
Ընկերությունը պատասխանատվություն չի կրում իր կայքում հղում արած այլ ինտերնետային կայքերի բովանդակության ստույգության և արժանահավատության, այնտեղ տեղադրված գովազդների համար: Ընկերությունը պատասխանատվություն չի կրում նաև այդ կայքերում տեղադրված տեղեկատվության օգտագործման հնարավոր հետևանքների համար: «ԿԱՄՈՒՐՋ» ՈւՎԿ ՓԲԸ-ն վերահսկվում է ՀՀ Կենտրոնական բանկի կողմից:
Հայերեն և անգլերեն լեզուներով հրապարակված տեղեկատվության միջև անհամապատասխանության դեպքում անհրաժեշտ է հիմնվել հայերեն տարբերակի վրա: