Անձնական տվյալների պաշտպանության քաղաքականություն

1. Ով ենք մենք

Ձեր անձնական տվյալների մշակողն է «Կամուրջ» ունիվերսալ վարկային կազմակերպություն փակ բաժնետիրական ընկերությունը («Կամուրջ» ՈՒՎԿ ՓԲԸ, այսուհետ՝ «Կազմակերպություն», «մենք»), որը գործում է ՀՀ Կենտրոնական բանկի կողմից տրված № 31 լիցենզիայի հիման վրա։

2. Կիրառման ոլորտը

Սույն Քաղաքականությունը նկարագրում է, թե ինչպես ենք հավաքում, օգտագործում, փոխանցում և պահպանում Ձեր անձնական տվյալները «Kamurj» բջջային հավելվածն (այսուհետ՝ «Հավելված») օգտագործելիս։ Այն լրացնում է Անձնական գրասենյակի գրանցման և ծառայությունների մատուցման պայմանները, որոնց հետ միասին կազմում է Ձեր և Կազմակերպության միջև կնքվող համաձայնագրի մաս։

Տվյալների մշակումն իրականացվում է «Անձնական տվյալների պաշտպանության մասին» ՀՀ օրենքին, «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքին, ՀՀ Կենտրոնական բանկի նորմատիվ ակտերին և ՀՀ այլ իրավական ակտերին համապատասխան։

3. Ինչ տվյալներ ենք հավաքում

Մենք չենք հավաքում Ձեր աշխարհագրական դիրքի տվյալները, կոնտակտների ցանկը, լուսանկարների պահոցի բովանդակությունը կամ սարքի այլ պահոցներ։ Հավելվածը չի պարունակում գովազդային, վերլուծական (analytics) կամ հետևման (tracking) ծրագրային մոդուլներ։

4. Նպատակները և իրավական հիմքերը

5. Ավտոմատացված որոշումների կայացում

Վարկային հայտերը գնահատվում են ավտոմատացված եղանակով՝ Կազմակերպության սքորինգային մոդելի միջոցով, Ձեր ներկայացրած տվյալների և օրենքով թույլատրված աղբյուրներից ստացված տեղեկությունների հիման վրա։ Դուք իրավունք ունեք պահանջել, որ որոշումը վերանայվի աշխատակցի կողմից, ներկայացնել Ձեր դիրքորոշումը և վիճարկել այն՝ դիմելով info@kamurj.am հասցեով։

Եթե վարկային հայտի վերաբերյալ վերջնական որոշումը կայացվում է աշխատակցի կողմից, ավտոմատացված գնահատականը չի համարվում ինքնին վերջնական որոշում։

6. Ում ենք փոխանցում տվյալները

Մենք անձնական տվյալները կարող ենք փոխանցել կամ հասանելի դարձնել այն անձանց և կազմակերպություններին, որոնց ներգրավումն անհրաժեշտ է մեր ծառայությունների մատուցման, դրանց պատշաճ իրականացման և մեր օրենսդրական պարտավորությունների կատարման համար։ Այդպիսի ստացողներ կարող են լինել, մասնավորապես՝ մեր ծառայություն մատուցողները, այդ թվում՝ իրավական, պարտքերի հավաքագրման, տեխնոլոգիական և ՏՏ ծառայություններ մատուցողները, վճարային և քարտային համակարգերի օպերատորները, նույնականացման և տվյալների ստուգման ծառայություններ մատուցողները, հաղորդակցության և ծանուցումների ծառայություններ մատուցողները, ինչպես նաև «Արմենիան Քարդ» ՓԲԸ-ն (ArCa) և այլ կազմակերպություններ։

Անձնական տվյալները կարող են փոխանցվել նաև պետական մարմիններին, այդ թվում՝ ՀՀ Կենտրոնական բանկին, իրավապահ և այլ իրավասու մարմիններին, եթե նման փոխանցումը նախատեսված կամ պահանջվում է օրենքով, կամ անհրաժեշտ է մեր օրենսդրական պարտավորությունների կատարման համար։

Մենք տվյալները փոխանցում ենք միայն համապատասխան նպատակին հասնելու համար անհրաժեշտ ծավալով և ապահովում ենք, որ տվյալների ստացողները դրանք մշակեն միայն սահմանված նպատակներով և կիրառելի օրենսդրությամբ պահանջվող գաղտնիության և անվտանգության միջոցների պահպանմամբ։ Անհրաժեշտության դեպքում տվյալների ստացողների հետ կնքվում են համապատասխան պայմանագրեր կամ այլ իրավական փաստաթղթեր, որոնք սահմանում են անձնական տվյալների պաշտպանության, գաղտնիության և անվտանգության վերաբերյալ նրանց պարտավորությունները։

Մենք չենք վաճառում Ձեր անձնական տվյալները, չենք փոխանցում դրանք գովազդային նպատակներով և չենք օգտագործում հավելվածների միջև հետևման (cross-app tracking) համար։

7. Տվյալների միջազգային փոխանցում

Անձնական տվյալները կարող են փոխանցվել և մշակվել Հայաստանի Հանրապետության տարածքից դուրս, եթե դա անհրաժեշտ է մեր ծառայությունների մատուցման, տեխնիկական և տեղեկատվական համակարգերի գործարկման, տվյալների պահպանման, նույնականացման, հաղորդակցության կամ այլ համապատասխան գործընթացների ապահովման համար։

Նման փոխանցում կարող է իրականացվել մեր ծառայություն մատուցողներին, տեխնոլոգիական և այլ գործընկերներին միայն կիրառելի օրենսդրության պահանջներին համապատասխան և տվյալների պաշտպանության անհրաժեշտ երաշխիքների ապահովմամբ։

Մասնավորապես.

• Ավտոմատացված նույնականացման և կենդանության ստուգման նպատակով Ձեր կենսաչափական տվյալները և անձը հաստատող փաստաթղթի պատկերները կարող են մշակվել OZ Forensics-ի՝ Եվրոպական Միությունում (Իսպանիա) գտնվող սերվերներում։
• Push ծանուցումների առաքման նպատակով համապատասխան տեխնիկական տվյալները կարող են փոխանցվել Expo-ի, Apple-ի և Google-ի՝ ԱՄՆ-ում գտնվող ենթակառուցվածքներին (Push ծանուցումները չեն պարունակում Ձեր նույնականացման, ֆինանսական կամ այլ զգայուն անձնական տվյալները)։

Մենք միջոցներ ենք ձեռնարկում ապահովելու համար, որ Հայաստանի Հանրապետությունից դուրս փոխանցվող անձնական տվյալների նկատմամբ պահպանվի պաշտպանության այնպիսի մակարդակ, որը համապատասխանում է կիրառելի օրենսդրության պահանջներին։

8. Պահպանման ժամկետները

9. Անվտանգություն

• Անձնագրային տվյալները և ՀԾՀ-ն պահվում են գաղտնագրված տեսքով. կենսաչափական և փաստաթղթային պատկերները պահվում են AES-256 գաղտնագրմամբ, հանրային հասանելիությունից մեկուսացված պահոցում։
• Բոլոր փոխանցումները Հավելվածի և մեր սերվերների միջև, ինչպես նաև գործընկերների հետ, պաշտպանված են TLS գաղտնագրմամբ։
• Գաղտնաբառը և PIN կոդը պահվում են միայն հեշավորված տեսքով և չեն կարող վերականգնվել։
• Մեկ ակտիվ նստաշրջան մեկ հաշվի համար. նոր սարքից մուտքը պահանջում է SMS-ով հաստատում. կասկածելի գործողությունների դեպքում մուտքն արգելափակվում է։
• Face ID / Touch ID տվյալները մշակվում են բացառապես Ձեր սարքի կողմից և երբեք չեն փոխանցվում մեզ։
• Տվյալներին հասանելիությունն ունեն միայն այն աշխատակիցները, որոնց դա անհրաժեշտ է պաշտոնեական պարտականությունների կատարման համար. բոլոր մուտքերը գրանցվում են։

10. Ձեր իրավունքները

«Անձնական տվյալների պաշտպանության մասին» ՀՀ օրենքի համաձայն՝ Դուք իրավունք ունեք՝

• Տեղեկանալ, թե Ձեր որ տվյալներն ենք մշակում, և ստանալ դրանց պատճենը.
• Պահանջել ոչ ճշգրիտ կամ ոչ ամբողջական տվյալների ուղղում (հեռախոսահամարը և էլ. փոստի հասցեն կարող եք փոփոխել Հավելվածում. այլ տվյալների փոփոխման համար դիմեք մեզ).
• Պահանջել տվյալների ջնջում կամ մշակման դադարեցում, եթե տվյալների հետագա մշակումը կամ պահպանումը պարտադիր չէ օրենքով կամ չի իրականացվում այլ իրավաչափ հիմքով.
• Հետ վերցնել Ձեր համաձայնությունը (այդ թվում՝ կենսաչափական տվյալների մշակման). խնդրում ենք նկատի ունենալ, որ առանց ինքնության հաստատման և այլ տեղեկատվության հնարավոր է մենք չկարողանանք մատուցել կամ շարունակել մատուցել արդեն տրամադրված ծառայությունները.
• Առարկել ավտոմատացված որոշման դեմ և պահանջել դրա վերանայում աշխատակցի կողմից.
• Բողոք ներկայացնել վերահսկող մարմին։

Իրավունքներն իրականացնելու համար դիմեք info@kamurj.am հասցեով։ Մենք կպատասխանենք օրենքով սահմանված ժամկետում. անհրաժեշտության դեպքում կարող ենք պահանջել Ձեր ինքնության հաստատում։

11. Հաշվի ջնջումը

Դուք կարող եք ցանկացած պահի ջնջել Ձեր հաշիվն անմիջապես Հավելվածում՝ Հաշիվ → Անվտանգություն → Ջնջել հաշիվը. անվտանգության նկատառումներով պահանջվում է Ձեր գաղտնաբառը։ Հաշվի ջնջումից հետո՝

• Ձեր հաշիվն անմիջապես փակվում է. մուտքն այլևս հնարավոր չէ, բոլոր ակտիվ նստաշրջանները դադարեցվում են, ծանուցումների տոկենը հեռացվում է.
• Ձեր հեռախոսահամարը և էլ. փոստի հասցեն հեռացվում են ակտիվ օգտագործումից, ինչը թույլ է տալիս Ձեզ հետագայում կրկին գրանցվել.
• Նույնականացման, KYC և գործարքային տվյալները պահպանվում են 8-րդ բաժնով սահմանված օրենքով պարտադիր ժամկետով և այնուհետև ջնջվում են.
• Ձեզ ուղարկվում է հաստատող էլ. նամակ։

Հաշվի ջնջումն անդառնալի է։ Չմարված պարտավորությունների առկայության դեպքում պայմանագրով սահմանված Ձեր պարտավորությունները պահպանվում են, և Դուք պարտավոր եք դրանք կատարել սահմանված ժամկետներում և կարգով։ Հետագայում Հավելվածից օգտվելու համար անհրաժեշտ կլինի անցնել նոր գրանցման և նույնականացման գործընթաց։

12. Երեխաներ

Ծառայությունները հասանելի են միայն 18 տարին լրացած անձանց։ Մենք գիտակցաբար չենք հավաքում անչափահասների տվյալներ։

13. Գովազդ և հետևում

Հավելվածը չի պարունակում գովազդ, չի օգտագործում գովազդային նույնացուցիչներ և չի իրականացնում հետևում այլ ընկերությունների հավելվածներում կամ կայքերում։

14. Փոփոխություններ

Սույն Քաղաքականությունը կարող է փոփոխվել։ Էական փոփոխությունների մասին Ձեզ կտեղեկացնենք Հավելվածի միջոցով կամ էլ. փոստով՝ նախքան դրանց ուժի մեջ մտնելը։ Գործող տարբերակը միշտ հասանելի է Հավելվածում և www.kamurj.am/hy/privacy հասցեով։

15. Կապ և վերահսկող մարմին

Անձնական տվյալների մշակման հետ կապված բողոքով Դուք կարող եք դիմել ՀՀ արդարադատության նախարարության Անձնական տվյալների պաշտպանության գործակալություն։