Այսուհետ «ԿԱՄՈՒՐՋ» վարկային կազմակերպության հաճախորդները հնարավորություն կունենան օրվա ցանկացած ժամին իրականացնելու վարկի մարումներ՝ «Իզի Փեյ» ընկերության ավելի քան 600 տերմինալների միջոցով, որոնք հասանելի են ՀՀ ողջ տարածքում:
««ԿԱՄՈՒՐՋ» վարկային կազմակերպությունը իր գործունեության ընթացքում մշտապես ձգտել է ոչ միայն տրամադրել մրցունակ վարկատեսակներ, այլև առաջարկել նոր տեխնոլոգիական լուծումներ, որոնք ուղղված կլինեն մեր ծառայությունները հաճախորդների համար էլ ավելի հարմարավետ ու հասանելի դարձնելուն:
Այսուհետ մեր հաճախորդները հնարավորություն կունենան նույնիսկ աշխատանքային ժամերից հետո կամ ոչ աշխատանքային օրերին կատարել վարկի մարումներ՝ իրենց առավել հարմար տարածքում: Նման համակարգերի կիրառման անհրաժեշտությունը կարևորվեց հատկապես սպառողական վարկավորման ծավալների աճին զուգահեռ, երբ վերլուծությունների արդյունքում ակնառու դարձավ, որ մեր հաճախորդները ունեն նշված համակարգից օգտվելու պահանջմունք», - նշեցին Ընկերությունում:
Նշենք, որ ծառայության միջնորդավճարը կազմում է 300 ՀՀ դրամ:
«Իզի Փեյ» համակարգի միջոցով վճարումների իրականացման ուղեցույց
.